Nahuli na ng NBI o National Bureau of Investigation ang U.S. Korean drug lord na si Jun No na tumakas habang binabantayan ng mga operatiba ng PDEA sa East Avenue Medical Center sa Quezon City noong Abril matapos na sumailalim sa operasyon sa kanyang appendix.
Si Jun No ay naaresto sa isang computer shop sa Tetuan, Zamboanga City kahapon ng alas-11:00 ng umaga.
Magugunitang nadakip si Jun No noong April 5 sa isang entrapment operation sa isang restaurant sa Mall of Asia Complex dahil sa pagbebenta ng 140 piraso ng ecstasy pills na may street value na P420,000.
Nakatakas siya habang naka-confine sa East Avenue Medical Center.
Pansamantalang ikukulong ang nasabing U.S. Korean drug lord sa NBI headquarters sa Maynila.
By: Meann Tanbio
