Walang plano ang COMELEC o Commission on Elections na palawigin ang deadline ng paghahain ng Certificate of Candidacy o COC para sa national at local positions sa May 2016 polls.
Ayon kay COMELEC Chairman Andy Bautista, wala naman silang nakikitang dahilan para i-extend pa ang huling araw ng filing ng COC.
Paliwanag ni Bautista, papayagan pa rin namang makapaghain ng COC ang mga kandidato na nasa loob na ng tanggapan ng COMELEC kahit lagpas na ng 5:00 PM closing time.”
Gayunman, nilinaw ni Bautista na bukas naman ang COMELEC sa posibilidad ng pagpapalawig ng ‘filing’ ng COC, subalit depende pa rin ito sa sitwasyon.
Ang 5-day filing period ay nagsimula noong Lunes, Oct. 12, at matatapos bukas, Oct. 16.
By Jelbert Perdez