Tumaas ang trust at approval ratings ni Vice President Jejomar Binay sa huling bahagi ng 2015.
Batay ito sa huling survey ng Pulse Asia na isinagawa sa may 1,800 respondents na may edad 18 pataas.
Tinamasa ni Binay ang 9 na porsyentong pagtaas sa approval rating nito na nasa 52 percent mula sa 43 percent na rating nito noong Setyembre.
Ang trust rating naman ni Binay, umakyat sa 49 percent mula sa dating 39 percent.
Samantala, tumaas din ng isang porsyento ang approval rating ng Pangulong Noynoy Aquino na nasa 55 percent mula sa dating 54 percent.
Habang mula sa dating 49 percent ay umakyat na sa 53 percent ang overall trust rating na nakuha ng pangulo.
By Ralph Obina
