Ipinalabas na ng pamunuan ng PMA o Philippine Military Academy ang Top 10 graduates nito ngayong taon.
Isang babaeng kadete sa katauhan ni Rovi Mairel Valino ng Cabanatuan City ang nangunguna sa PMA Salaknib Class of 2017 na kinabibilangan din ng 7 pang babaeng kadete.
Kabilang sa Top 10 sina Philip Modesto Viscata ng Albay, Eda Glis Buansi Marapao ng Baguio City, Cathleen Jovie Santiano Baybayan ng San Fernando Pampanga, Carlo Emmanuel Manalasan Canlas ng Pampanga at Shiela Joy Ramiro Jallorina ng Bagabag Nueva Vizcaya.
Pasok din mula sa ika-7 hanggang 10 rank sina Sheila Marie Calonge De Guzman ng Manaoag, Pangasinan, Joyzy Mencias Funchica ng Butuan City, Resie Jezreel Arrocena Hucalla ng Compostella Valley at Catherine Mae Emeterio Gonzales ng Zamboanga City.
Itinakda sa March 12 ang Graduation Ceremony ng PMA.
By Judith Larino
Photo Credit: PMA Website
