Pumanaw na ang British actor na si Simon Shelton Barnes sa edad na 52.
Si Simon ang tumatayo sa kilalang karakter na ‘Tinky Winky’ sa hit British children’s TV show na ‘Teletubbies’.
Ayon sa anak ni Simon na si Henry, pumanaw ito noong ika-17 ng Enero.
Bumuhos ng mga tribute sa social media para kay Simon.
Nakatakda naman ang libing ni Simon sa Pebrero 7 sa Bedford Crematorium at hiniling ng pamilya na magsuot ng makukulay na damit ang mga makikilibing bilang tribute.
Naulila ng pumanaw na Teletubby actor ang tatlo (3) nitong anak.
Si Tinky Winky ang kulay ‘purple’ na Teletubby na kilala din dahil sa pagbibitbit ng handbag.
Bago humalili si Simon sa naturang karakter, saglit muna itong ginampanan ng komedyanteng si Dave Thompson.
