Patay ang tatlong (3) hinihinalang miyembro ng gun hire group matapos maka-engkwentro ng mga pulis sa Lemery Batangas, pasado alas-2:45 ng umaga kanina.
Ayon kay Batangas Police Provincial Director Senior Supt. Edwin Quilates, bago ang engkuwentro pinaputukan ng mga hindi pa nakikilalang salaring naka-motorsiklo ang saksakyan ng mga nagpapatroyang pulis Balayan.
Walang nasaktan sa panig ng mga pulis pero nakatakas ang mga salarin kaya inalerto na ang lahat ng pulis sa buong lalawigan ng Batangas.
Naharang naman ang mga ito sa checkpoint sa bahagi ng Tagaytay Lemery Road kung saan nangyari ang engkuwentro na dahilan ng pagkakasawi ng tatlo.
—-