Inirekomenda ni Senator Christopher Bong Go kay Pangulong Rodrigo Duterte ang pagbuo ng task force Rolly para mapabuti ang koordinasyon ng mga kinauukulang ahensya ng gobyerno at mapabilis ang pagtugon at rehabilitasyon sa mga komunidad na sinalanta ng bagyong Rolly.
Tinalakay na ani Go ang kanyang panukala kay National Housing Authority General Manager Marcelino Escalada, Jr.
Nauna rito, inirekomenda na rin ni Go kay Pangulong Rodrigo Duterte na bigyan ng karagdagang calamity funds ang mga Local Government Units, dahil ang kanilang pondo ay nagamit na aniya sa pagtugon kontra COVID-19.
Giit ni Senador Go, kinausap na niya hinggil dito si Budget and Management Secretary Wendel Avisado at hihingi na lang sila ng pag-apruba ni Pangulo Duterte. — ulat mula kay Cely Ortega-Bueno (Patrol 19)