Bumuo na ng task force ang Department of Transportation (DOTr) at Department of Education (DepEd) na tututok sa lagay ng pampublikong transportasyon ngayong papalapit na ang pagbubukas ng face-to-face classes.
Sa pulong kahapon na inorganisa ni Transportation Secretary Jaime Bautista sa LRTa sa Pasay City, dumalo ang iba’t ibang ahensya ng gobyerno para talakayin ang pag-aayos ng pagbiyahe.
Kabilang sa inirekomendang solusyon ang pag-authorize sa public utility vehicles na mag-deploy ng kanilang 90 hanggang 100% na units tuwing peak hours.
Pinabubuksan din ang karagdagang ruta maging ang pagbabalik ng city bus routes sa EDSA.
Samantala, isinusulong rin ang libreng sakay sa mga mag-aaral na sasakay sa railway at EDSA bus carousel.
Magsisilbing co-chair ng Task Force sina Education Undersecretary Epimaco Densing at Transportation Undersecretary for Road Steven Pastor.