Kasado na ang rollback sa pasahe sa halos 30,000 tricycle sa Quezon City bunsod ng patuloy na pagbulusok ng presyo ng oil product.
Nagkasundo ang Quezon City Tricyle Regulatory Office; Committee on Transportation ng Quezon City Council; Quezon City Tricycle Operators-Drivers Association at QC Tricycle Franchising Board na P0.50 ang magiging rollback.
Magiging P8.00 na lamang mula sa P8.50 ang minimum na pasahe sa unang kilometro; mananatiling P1.00 ang dagdag sa mga susunod na kilometro habang P16.00 ang special trip mula sa kasalukuyang P17.00.
Inaasahang sa susunod na linggo ipatutupad ang bagong pasahe sa oras na mapagtibay ang ordinansang ihahain sa city council.
By Drew Nacino
