Muling tataas ang singil sa kuryente ng Meralco ngayong buwan.
Ipinabatid ng Meralco na nasa 54 centavos ang taas-singil nila sa kada kilowatt hour para sa April billing.
Katumbas ito ng 107 pesos na dagdag singil sa kuryente sa mga kumukunsumo ng 200 kilowatthour kada oras, 161 pesos para sa mga kumukunsumo ng 300 kilowatt hour, 215 pesos sa 400 kilowatthour at 268 pesos sa mga kumukunsumo sa 500 kilowatthour.
Idinahilan ng Meralco sa pagsirit ng singil sa kuryente ang pagtaas ng presyo sa IPP o Independent Power Producers at Wholesale Electricity Spot Market o WESM.
Magugunitang noong isang buwan ay tumaas din ang singil sa kuryente ng Meralco.