Kinumpirma ni Senate President Pro Tempore Panfilo “Ping” Lacson na tinanggal na ng Senado ang tinatawag na “allocables” mula sa 6.793-trillion pesos na panukalang pondo para sa 2026.
Ayon kay SP Pro-Tempore Lacson, magbubukas ng pintuan para sa pang-aabuso tulad ng mga manipuladong contract bidding ng mga kontrata ang mga naturang allocables na nauna na niyang inilarawan bilang bagong “pork barrel.”
Maliban dito, kinumpirma rin ng mambabatas na tinanggal ng Senado ang ayuda at iba pang items na may political patronage mula sa unprogrammed funds.
