Itinaas na ng Hongkong Government simula Setyembre 28 ang sweldo at food allowance ng foreign domestic workers.
Nabatid na ang kabuuang itinaas ng pay at food allowance ay katumbas ng mahigit 700 piso kada buwan.
Para sa mga kontratang nilagdaan simula Setyembre 28, 2019, ang minimum salary ay nasa halos 4,700 Hongkong dollars o halos nasa 31,000 pesos kasama na ang 700 pesos na pagtaas samantalang ang buwanang food allowance ay nasa 1,000 Hongkong dollars o mahigit 7,000 piso kasama na ang 300 pesos.
Ilang OFWs naman sa Hongkong ang hindi umano pabor sa dagdag suweldo at nais nilang ang minimum wage ay dapat nasa 6,000 Hongkong dollars o katumbas ng 38,000 pesos.
