Ipinagtanggol ng Malakaniyang ang mga artista na umano’y kasama ni Pangulong Rodrigo Duterte sa kaniyang state visit sa Russia.
Ayon kay Presidential Spokesman Salvador Panelo, nasa Russia ang mga nasabing artista para i entertain ang Filipino community rito at hindi binayaran ang mga ito.
Nasa Russia rin ang dating performer na si Mocha Uson na itinalaga kamakailan lang ng pangulo bilang deputy administrator ng OWWA.
Hindi naman ito ang unang pagkakataon na may mga artistang kasama sa biyahe abroad ni Pangulong Duterte tulad na lamang sa Japan noong Mayo.
