Tiniyak ng Simbahan Katolika ang kanilang suporta at panalangin para sa tagumpay ng bagong administrasyon sa pamumuno ni President Ferdinand “Bongbong” Marcos Jr.
Sa pahayag ni Nueva Segovia Archbishop Marlo Peralta, kaniyang hiniling sa Pangulo na huwag hayaang madismaya ang mayorya ng mga Pilipino na bumoto at nagtiwala sa kaniya.
Kumpiyansa ang Simbahang Katolika na tutuparin ni PBBM ang mga pangako nito sa taumbayan noong kampanya, at mabibigyang prayoridad ang kasalukuyang problema ng mga Filipino partikular na ang kahirapan sa bansa.
