Tiniyak ni Agriculture Secretary Manny Piñol na sapat ang suplay ng isda na ginagawang sardinas sa bansa.
Sagana umano sa tamban ang palibot ng Zamboanga Peninsula.
Nilinaw din ng kalihim na responsibilidad nilang tiyakin kung matatag ang suplay ng mga isda pero hindi aniya ang proseso kung ito ba ay dumadaan na sa pabrika at ginagawang canned goods.
Samantala inihayag din ni Piñol na nanating maganda ang livestock performance ng bansa bagama’t bumaba ang agriculture performance ng bansa sa ikatlong quarter ng taon.
Ilan sa itinututurong dahilan ng naturang pagbaba ay ang naging epekto ng panahon ng Habagat at ang pagtama ng bird flu sa Pampanga at Nueve Ecija.
Nakatakdang magsagawa ang ahensya ng review sa paghawak ng Avian influenza case sa hinaharap.
