Pinabulaanan ng Philippine National Police (PNP) na ang pagkakapatay ng militar sa amir ng Daula Islamiyah-Maute Group na si Khadafi Mimbesa alyas Engineer ang sanhi ng sunod-sunod na bomb threat.
Kasunod nito, inihayag ni PNP Spokesperson, Police Colonel Jean Fajardo na batay sa pagsusuri ng mga otoridad, negatibo mula sa bomb threat ang iba’t ibang ahensya ng pamahalaan maging ang ilang paaralan.
Nabatid na nanggaling sa isang japanese lawyer na kinilalang si Takahiro Karasawa ang bomb threat na nagsasabing may nakatanim na bomba sa ilang gusali sa iba’t ibang parte ng bansa maging ang kaparehong banta noong Setyembre at Oktubre noong 2023. – sa panunulat ni Maianne Dae Palma