Umaasa pa rin ang Australian Missionary na si Sister Patricia Fox na muling irerekonsidera ni Pangulong Rodrigo Duterte ang ipinalabas na deportation order ng Bureau of Immigrations.
Ayon kay Fox, hindi pa siya nakahandang umalis ng bansa at kung masusunod ay nais na lamang niyang bumalik sa tahimik na pamumuhay sa Pilipinas.
Hinihiling rin ni Fox na hayaan siya ng Bureau of Immigration na makapaghain ng motion for reconsideration at counter affidavit laban sa ipinalabas na kautusan ng ahensiya.
Batay sa ipinalabas na deportation order ng Bureau of Immigartion, meron na lamang si Fox ng hanggang Mayo 24 para manatili sa bansa.
Ito ay matapos naman ng umano’y pagdalo ni Fox sa isang political rally sa bansa.
