Nais ng office of the Solicitor General na imbestigahan ang akusasyon ni Pork Barrel Scam Queen Janet Lim Napoles na sinubukan siyang kikilan ni Senador Leila de Lima.
Ayon kay Solicitor General Jose Calida, dapat maimbestigahan ang extortion na kinasasangkutan ng Senador.
Sinabi ni Calida na sakaling totoo nga ito, madaragdagan ang criminal charges laban kay De Lima.
Nauna nang sinabi ni Napoles na hiningan siya ng pera ni De Lima kapalit ng hindi pag-iimbestiga sa hiwalay na illegal detention case laban sa kanya.
Hindi naman binanggit ni Napoles kung magkano ang umano’y tinangkang kikilin sa kanya ng dating kalihim ng Department of Justice.
By: Meann Tanbio
