Itinalaga ni Pangulong Ferdinand Marcos Jr. si Director Efren Nemeno bilang bagong hepe ng Bureau of Jail Management and Penology kapalit ng nagretiro na si Director Ruel Rivera.
Pinangunahan ni Interior Secretary Jonvic Remulla ang panunumpa sa tungkulin ni Director Nemeno bilang BJMP Chief hanggang Hunyo 2027 sa Quezon City Reception House.
Dito, pamumunuan ni Chief Nemeno ang mahigit dalawampu’t anim na libong opisyal at kawani ng ahensya na nangangasiwa sa nasa isandaan labing walong libong Persons Deprived of Liberty.
Sa kanyang panunungkulan, ipinangako ng bagong hepe na paiigtingin niya ang kampanya laban sa katiwalian at palalakasin ang pagbibigay ng ligtas, makatao, at makabagong pasilidad para sa rehabilitasyon ng mga PDL.
Bago ang pagkakatalaga ni BJMP Chief Nemeno, nagsilbi muna siya bilang Deputy Chief for Operations at naging warden ng Cebu City Jail. | Sa panulat ni Reabelle Medina
