Limang suspek na sangkot umano sa paggawa at pagbebenta ng Ecstasy sa Close-Up Forever Summer Concert sa Mall of Asia sa Pasay City ang inaresto ng National Bureau of Investigation.
Kinilala ang mga suspek na sina Seergeoh Villanueva alyas “gio”, mag-asawang Marc Deen at Erica Valbuena, Thomas Halili at Martin Dimacali, na pawang estudyante ng International School.
Ayon kay NBI-Anti Illegal Drugs Division Chief, Atty. Joel Tovera, nasakote ang lima sa isinagawang buy bust-operation katuwang ang Philippine Drug Enforcement Agency o PDEA sa isang condominium unit sa Villanueva, Parañaque City.
Mano-mano lamang anyang ginagawa ng mga suspek ang Ecstasy nang madatnan ng mga otoridad.
Narekober naman mula sa lima ang ilang drug paraphernalia.
By: Drew Nacino
