Pinaiimbestigahan na ni Labor Secretary Silvestre Bello III, ang lagay ng mga manggagawa sa skyway extension project.
Ito ang naging pahayag ni Bello makaraang masawi ang isang rider habang sugatan ang 4 na iba pa matapos na mabagsakan ng steel girder sa skyway extension project.
Ani Bello, nais nitong malaman kung sumusunod ba sa occupational health at safety standards ang EEI corporation na pribadong kontraktor ng naturang proyekto.
Mababatid na nauna nang nangako ang EEI corporation na kanilang rerebyuhin ang mga protocols para matiyak ang kaligtasan sa bawat-isa.
