Inaprubahan ng Senado ang resolusyong magbibigay ng ayudang pinansyal sa mga magsasaka ng palay na ang sinasaka ay hindi hihigit sa isang ektarya.
Ito ang kinumpirma ni senate committee on agriculture and food Chairperson Sen. Cynthia Villar matapos na pagtibayin ang joint senate resolution number 12.
Sa ilalim ng nasabing resolusyon, nakasaad na kukunin ang nasabing ayuda sa mga surplus o halagang lagpas sa 10 bilyong koleksyon ng Bureau of Customs sa mga inaangkat na bigas sa ilalim ng rice tarrification law.
Mula Enero hanggang Setyembre ng taong ito, sinabi ni Villar na umaabot na sa mahigit P13-B ang nakokolekta ng BOC kaya’t may mahigit P3.60-B ang nakalaan bilang cash assistance sa mga magsasaka ng palay.