Mga disiplinadong pulis ang nais iwanan ni Philippine National Police (PNP) Chief Gen. Debold Sinas bago siya magretiro.
Ito’y matapos malagay sa kontrobersiya ang PNP dahil sa pagpatay ng pulis sa mag-ina sa Tarlac.
Ayon kay Sinas, napakahalaga na maging disiplinado ng mga pulis lalo sa kanilang trabaho, kung disiplinado aniya sa trabaho ay mababawasan o mawawala ang pang-aabuso sa kanilang hanay.
Dito na umano papasok ang respeto ng publiko pagkatapos magpakita ng mabubuting gawa ng mga pulis.
Dagdag ni Sinas sa ibang bansa ay higit na ginagalang ang mga pulis at kanilang inaani ito dahil sa mga ipinapakita rin nilang kabutihan sa kanilang trabaho.
