Ibinabala ng Department of Energy (DOE) ang posibleng brownout dahil sa tumataas na demand ng kuryente at pagpalya ng mga planta sa gitna ng umiiral na El Niño Phenomenon.
Gayunman, tiniyak ni Energy Assistant Secretary Mario Marasigan na maiiwasan ang brownouts sa pamamagitan ng contingency measures.
Nabatid na nagsagawa na ang DOE ng ilang pagbabago sa plano dahil bukod sa mas maagang tumaas ang demand sa kuryente, lumampas din ito ng halos 100 megawatts, batay sa projection ng ahensya.
Ayon pa kay Asec. Marasigan, ang pagtaas ng demand sa kuryente ay karaniwang nangyayari tuwing katapusan ng mayo o hunyo subalit naitala ng ahensya ang peak demand ngayon taon noong Abril 24 . – sa panunulat ni Maianne Dae Palma
