Bukas ang Senado sa pagharap ni Pangulong Rodrigo Duterte sakaling imbestigahan nila ang mga umano’y tagong yaman nito at ng anak na si Davao City Mayor Sarah Duterte – Carpio.
Ito ang inihayag ni Senate Committee on Banks Sen. Francis Escudero bilang tugon sa hirit ni Senador Antonio Trillanes IV hinggil sa mga umano’y bank accounts ng mag-amang Duterte.
Ayon kay Escudero, bagama’t wala silang balak na ipatawag ang punong ehekutibo sa pagdinig, subalit hindi rin naman nila tatanggihan kung boluntaryo itong magtungo sa Senado.
Subalit nilinaw ni Escudero na pangunahin sa mga ipatatawag ng kaniyang komite si Mayor Carpio para linawin sa kanila ang mga bagay-bagay.
Ulat ni DWIZ Patrol Reporter Cely Ortega-Bueno
Posted by: Robert Eugenio
