Pinalagan ni Senador Leila De Lima ang panibagong akusasyon sa kanya ni Justice Secretary Vitaliano Aguirre.
Ito’y makaraang sabihin ni Aguirre na kaya hindi umano agad naglalabas ng mga dokumento ang Anti-Money Laundering Council o AMLC ay dahil may kakampi si De Lima sa naturang tanggapan.
Binigyang-diin ni De Lima na hindi niya alam at hindi niya sigurado kung mayroon siyang fraternity brod sa AMLC at kung mayroon man, wala aniya siyang nakakausap sa mga ito.
Samantala, iginiit ng Senadora na hindi niya maintindihan kung bakit hanggang ngayon ay wala pa siyang naririnig na resulta ng anumang imbestigasyon sa mga totoong drug lord, drug protector o coddler.
Sa halip, siya pa ang kinakasuhan at gustong ipakita sa mundo na isa siyang drug protector.
By: Meann Tanbio
