Nanindigan si Senador Ronald “Bato” Dela Rosa na magpapatuloy pa rin ang kanyang partisipasyon sa Senado kahit na ngayon ay nasa minority bloc na siya.
Ayon kay Senador Dela Rosa, kahit na natanggal na ang kanyang kapangyarihan sa committee chairmanship, mananatili itong nakatutok sa mga diskusyon at imbestigasyon ng mataas na kapulungan.
Samantala, matapos namang ilipat ang chairmanship ng Committee on Public Order and Dangerous Drugs kay Senador JV Ejercito, bukas pa rin si Senador Dela Rosa sa posibilidad na mawala rin sa kanya ang natitirang pinamumunuan komite na Civil Service, Government Reorganization and Professional Regulation Committee.
