Naniniwala si Public Attorney’s Office (PAO) Chief Atty. Percida Acosta na kailangang ipatingin na sa isang pyschiatrist ang ina ni Reynaldo alyas Kulot De Guzman.
Ayon kay Acosta ito ay dahil sa nararanasan umanong post-traumatic stress ni Aling Lina kaya paiba-iba ang kanyang mga pahayag kaugnay sa pagkamatay ng anak.
Nauna rito, ibinunyag ni Aling Lina na plano ng kanyang anak at ni Carl Angelo Arnaiz na mang-holdap na ayon umano sa isang kaibigan ng mga binata.
Giit ni Acosta, “hearsay” lang lahat ng sinasabi ng ina ni “Kulot” at batay lang ang mga ito sa mga naririnig niya sa media at mga pulis.
AR/ DWIZ 882
