Inihayag ni Solicitor General Menardo Guevarra na sari-saring mga isyu ang tinalakay sa ikalawang cabinet meeting na ipinatawag sa Malacañang.
Sa isang text message, sinabi nitong natalakay ang mga usaping may kinalaman sa budget, imprastruktura, transportasyon, turismo at iba pa.
Sa hiwalay na text message sinabi naman ni Press Secretary Trixie Cruz-Angeles na pinag-usapan sa cabinet meeting ang fiscal year 2023 national budget, build, build, build at iba’t ibang mga pangunahing programa ng gobyerno.
Mababatid na sa kasalukuyan ay nasa isolation si Pangulong Marcos Jr. Matapos magpositibo sa covid 19 subalit tuloy pa rin ang pagtatrabaho gamit ang online platforms.
