Nagbabala ang Department of Labor and Employment (DOLE) na posibleng mauwi sa total deployment ban ang ipatutupad ng Pilipinas na partial deployment ban sa Kuwait.
Ito’y ayon kay Labor Sec. Silvestre Bello III ay kung hindi mabibigyan ng hustisya ang pagkamatay ng OFW na si Jeanalyn Villavende.
Ipinabatid din ni Bello na napag-alaman din na noon pang September 2019 pa nagrereklamo sa kaniyang recruiter si Villavende dahil sinasaktan siya ng kaniyang amo.
Maliban dito, nagsusumbong din umano ang pamilya ni Villavende dahil kulang umano ang natatanggap na sahod ng kanilang kaanak sa Kuwait.
Dahil dito, hinihingian nila ng paliwanag ang five star recruitment agency na may hawak kay Villavende.
