Dinapuan ng COVID-19 si San Juan City Mayor Francis Zamora.
Sa inilabas na kalatas ni Zamora, sa isinagawang COVID-19 test sa kanya kahapon, Pebrreo 28, lumabas na positibo siya sa COVID-19.
Mababatid na sa ngayon ani Zamora, siya ay asymptomatic o walang anumang nararamdamang sintomas ng virus.
Dahil dito, piniling mag-quarantine ni Zamora para matiyak ang kaligtasan ng mga kaanak o sinumang nakapaligid sa kanya.
Kasunod nito, hinikayat ni Zamora ang lahat ng mga nakasalamuha niya na tutukan ang kanilang kalagayan.
Kung pipiliin naman ng mga ito na sumailalim sa RT-PCR test, maari aniyang makipag-ugnayan sa health officer ng lungsod na si Dra. Rosalie Sto. Domingo mula Lunes hanggang Biyernes, alas-8 ng umaga hanggang alas-5 ng gabi sa San Juan City hall.
JUST IN: San Juan City Mayor Francis Zamora, nagpositibo sa COVID-19 | https://t.co/HHOy7zaafm https://t.co/tBwwlx0RAN pic.twitter.com/b4hKdLVih3
— DWIZ Newscenter (@dwiz882) March 1, 2021
