Dumulog sa Department of Justice ang ilang mga abogado kasama ang mga dating manggagawa ng isang malaking kumpanya upang ipanawagan ang ligtas na lugar sa trabaho.
Sa reklamong inihain ni Atty. Micah Lorelle de Guzman para kay Aloha Marcelo, isinangguni nila sa DOJ ang tungkol sa pagkakaroon ng safe space sa work environment.
Partikular na reklamong paglabag sa ‘Safe Spaces Act’ at ‘Anti-Sexual Harassment Act’ ang kanilang isinampa laban sa isang mataas na opisyal ng food and beverages corporation.
Inihain ang reklamo sa National Prosecution Office at hindi sa lokal na piskal sapagkat naniniwala silang posible itong maimpluwensiyahan.
Iginiit ng abogado na layunin ng inihain na kaso na maitaguyod ang ligtas at patas na pagtrato sa mga kababaihan habang nagtatrabaho sa anumang kumpanya.
