Nabawasan ang bilang ng mga pamilyang Pilipinong itinuturing na mahirap ang kanilang sarili noong huling quarter ng 2025.
Batay sa tugon ng Masa survey ng Octa Research, 37% ang mga pamilyang ikinukunsiderang mahirap ang kanilang sarili o 17% na mas mababa kumpara sa 54% noong ikatlong quarter ng 2025.
Naitala ang 7% na pagbaba sa Metro Manila; 27% sa Balance Luzon; at 28% sa Visayas.
Naitala naman ang 4% na bahagyang pagtaas ng self-rated poverty sa Mindanao.
Isinagawa ang survey sa 1,200 respondents nitong nakaraang December 3 hanggang 11, sa pamamagitan ng face-to-face interviews.
