Hindi maitatanggi na maraming fake news ang kumakalat kaugnay ng SIM Card Registration.
Isa na rito ay sinasabing mawawala ang pera sa GCash kung hindi magpaparehistro.
Ayon sa telco, hindi ito totoo.
Nabatid na ito ay fake news na galing sa mga taong gustong guluhin ang adhikain ng gobyerno at ang layunin din ng kompanya para magbigay ng digital financial services sa mga Pilipino.
Binigyang diin na prayoridad ng GCash ang makapaghatid ng maayos na serbisyo sa mga customer nito.
Kaya para makaiwas sa fake news, siguruhing pumunta lamang sa mga official social media accounts at website ng telco.
Kung sakaling hindi makapagrehistro, may ilang paraan para ma-access ang e-wallet funds.
Una, pumunta sa official GCash Help Center at kausapin lang si “Gigi.”
Pangalawa, gumawa ng bagong account na konektado sa bagong numero at siguraduhin na fully verified ito.
Pangatlo, tiyakin din na rehistrado na ang bagong numero upang masiguro ang proseso ng pag-transfer ng pondo at maayos na pag-access sa bagong GCash account.
Ngayong extended na ang SIM Registration, mahalagang siguraduhing magparehistro para iwas-abala sa pag-access sa account.
Mas madali na rin ang pagpaparehistro ng SIM cards ng Globe at TM subscribers dahil maaari itong gawin sa loob ng GCash app.
Samantala, para sa mga prepaid users ng telcos, bisitahin lamang ang kanilang SIM registration website.
