“Wishful thinking”
Ito ang naging pahayag ni Presidential Harry Roque matapos manguna sa presidential survey para sa halalan 2022 si Vice President Leni Robredo.
Base sa Pilipinas 2022 online survey platform for presidential candidates, nanguna si Robredo matapos makakuha ng 34.27% na boto, pangalawa si Davao City Mayor Sara Duterte na may 18.06%, senator Manny Pacquiao na may 16.31%, dating Senador Bongbong Marcos na may 12.08%, Manila Mayor Isko Moreno na may 7.29%, senador Bong Go na may 7.05% at senador Grace Poe na may 4.94%.
Giit ni Roque, pinaniniwalaan pa rin nito ang cross sampling method na survey kung saan nakapagtrabaho na rin siya sa isang pamantasan na pinagmulan ng naturang proseso.
Bagama’t nasa 1,000 lamang ang kinukuhang sample sa mga respondents naniniwala si Roque na kapag random statistical survey ay mas accurate ang nagiging poll result.
Sinabi rin ni Roque na hindi pa niya naririnig ang polling company at hindi nito alam kung ano ang naging proseso ng kumpanya sa pagsasagawa ng survey.
