Suporta sa road safety at kaligtasan ng publiko.
Binigyang diin ito ng Vehicle Inspection Center Owners Association of the Philippines Incorporated (VICOAP) matapos kumpirmahin ang partnership sa Department of Transportation at LTO para paglingkuran ang publiko kabilang ang mga driver, biker, vehicle owners, iba pang motorista, mga pasahero at maging ang mga pedestrian.
Iginiit ng VICOAP na handa sila sa iba pang pagkakataong makipag-tulungan sa gobyerno para sa makakabuti sa publiko
Nanindigan din ang grupo na sumunod at nagsumite sila ng mga kinakailangang dokumento sa mga kinauukulan simula nuong itayo ang private motor vehicle inspection centers para pagkatiwalaang magsagawa ng road safety test sa mga sasakyan.
Una nang hinarang ng Pangulong Rodrigo Duterte ang ipinatutupad ng dotr na mandatory motor vehicle inspection system kahit pa inihayag ng vicoap na babawasan ang singil at hindi na mangongolekta ng reinspection fee sa loob ng isang taon.
