Nagsagawa ng bomb explosion simulation ang Pambansang Pulisya bilang paggunita sa ika-15 Anibersaryo ng Rizal Day Bombing noong taong 2000.
3 malalakas na pagsabog ang bumulabog sa punong tanggapan ng PNP sa Kampo Crame sa Quezon City.
Ayon kay C/Supt. Reuben Theodore Sindac, pinuno ng PNP Logistics Support Service, bukod sa simulation, nagsilbi rin aniya itong demo coverage sa mga uri ng paputok na ginagamit sa pagsalubong sa Bagong Taon.
Muling pagtitiyak naman ng PNP, ginagawa nila ang mga kaukulang hakbang upang hindi na maulit pa ang kahalintulad na insidente na ikinasawi at ikinasugat ng maraming sibilyan.
By: Jaymark Dagala
