Makabubuting sampahan na ng kaso ang dalawang Chinese Businessmen na itinuturong nasa likod ng pagpupuslit sa mahigit 6 na Bilyong Pisong halaga ng shabu na nakalusot sa Bureau of Customs.
Ito’y ayon kay Senador Sonny Angara ay upang mapigilan ang anumang posibilidad na pagtatangka ng mga ito na lumabas ng bansa at makapagtago sa batas.
Giit ni Angara, nakapagtataka naman aniyang wala pang nakakasuhan sa nasabing usapin gayung ilang buwan na ang nakalilipas mula nang mabunyag ang nasabing anomalya.
Kasalukuyan nang nakakulong sa Senado sina Richard Tan at Manny Li makaraang ipa-contempt sila ng Senate Blue Ribbon Committee sa pagdinig nito kahapon dahil sa hindi umano pagsasabi ng totoo.
