Tinatayang nasa 60,000 ang inaasahang lalahok sa gagawing rally ng mga taga-suporta ni Pangulong Rodrigo Duterte sa Mendiola, Maynila ngayong araw.
Ito’y upang ipanawagan sa pamahalaan ang pagtatatag ng revolutionary government bilang paghahanda sa ganap na paglipat ng sistema ng pamamahala mula republika patungong federalismo.
Ayon sa Manila Police District (MPD), asahan na ang mabigat na daloy ng trapiko sa panulukan ng Legarda at Mendiola sa lungsod ng Maynila ngayong araw at bukas, Linggo, Pebrero 21.
Pagtitiyak naman ni MPD Director P/BGen. Leo Francisco, mahigpit nilang ipatutupad ang quarantine protocols sa COVID-19 tulad ng pagsusot ng facemask, face shield at pagpapanatili ng physical distancing sa mga dadalo.