Isang retiradong heneral ng Philippine National Police (PNP) ang itinalaga ni Pangulong Rodrigo Duterte bilang bagong chairman ng Philippine Charity Sweepstakes Office (PCSO).
Ito ay sa katauhan ni retired General Anselmo Simeon Patrol Pinili.
Opisyal na nilagdaan ni Pangulong Duterte ang appointment papers ni Pinili noong Enero 15.
Pagsisilbihan ni Pinili ang nalalabing panahon sa termino ni dating PCSO Chairman Jose Jorge Corpuz na nagbitiw dahil sa problema sa kalusugan.
Si Pinili ay miyembro ng Philippine Military Academy Matikas Class of 1983, nagsilbi sa PNP at dating pinuno ng Office of the Special Envoy on Transnational Crime.
