Ikinatuwa ni PNP Chief Dir. Gen. Ronald Dela Rosa ang resulta ng Pulse Asia Survey noong December 2016 kung saan 82 percent ng mga taga-Metro Manila ang nakararamdam na mas ligtas na sila dahil sa drug war ng pamahalaan.
Ayon kay Dela Rosa, naniniwala siya na repleksyon ito ng tagumpay ng kanilang gyera kontra droga.
Nangangahulugan din nito na tanggap anya ng publiko ang mga ginagawa ng pnp taliwas sa ipinapakita ng mga kritiko ng administrasyon.
Ipinunto ni Bato na ang pulso ng mga Pilipino ang pinaka-sukatan nila upang masabing tagumpay ang kanilang trabaho.
Iginiit din ni dela ROSA na wala silang pakialam sa sinasabi ng mga dayuhan hinggil sa kanilang war on drugs.
By: Drew Nacino