Sumadsad pa sa 0.46 ang COVID-19 reproduction number sa National Capital Region.
Ayon sa Octa research, bahagyang bumaba ito mula sa 0.47 na naitalang reproduction number kahapon.
Ang reproduction number ay ang antas ng hawaan sa isang lugar, at dahil nananatiling mababa sa 1 ay masasabing wala pa ring mataas na transmission.
Samantala, naitala rin ang 1,044 na 7-day average sa rehiyon.
Ito’y mula sa mahigit 1,800 noong mga nakalipas na linggo.
Nananatili naman sa 8% ang positivity rate sa NCR.