Pinatatawag ng Supreme Court si House Committee on Appropriations Chairperson at Marikina 2nd District Representative Stella Quimbo sa oral arguments hinggil sa mga sinasabing blangkong item sa 2025 General Appropriations Act.
Ayon kay dating Presidential Executive Secretary Atty. Vic Rodriguez, inobliga ng Korte Suprema na humarap si Congresswoman Quimbo at ang mga miyembro ng technical working group sa Senado at Kamara sa pagpapatuloy ng pagdinig sa April 1; 2 at 3.
Kinumpirma naman ni Solicitor General Menardo Guevarra ang nasabing imbitasyon ng SC.
Matatandaang isa si Atty. Rodriguez sa mga kumukwestyon sa legalidad ng 2025 national budget dahil sa sinasabing blangkong item. —sa panulat ni Kat Gonzales
