Patay ang isang radio announcer sa Guihulngan, Negros Oriental matapos pagbabarilin ng mga hindi pa kilalang salarin na sakay ng motorsiklo.
Kinilala ang biktima na si Gabriel Alburo, announcer ng DYCL Light Radio na kakandidato rin bilang konsehal sa eleksyon sa susunod na taon.
Sa imbestigasyon ng La Libertad Police, sakay ng kanyang motorsiklo ang biktima nang pagbabarilin ng mga naka-motorsiklo ring salarin sa bahagi ng highway sa Barangay North Poblacion ng nasabing bayan.
Galing umanong sabungan ang biktima nang mangyari ang pananambang.
Sentro ng imbestigasyon ng pulisya ang sinasabing nakaalitan ng biktima bago ang insidente.
Radio announcer, patay sa pamamaril sa Negros Oriental | via @jaymarkdagalapic.twitter.com/IDSklStQKt
— DWIZ Newscenter (@dwiz882) December 28, 2018
