Patay ang isang pulis matapos pagbabarilin ng dalawang lalakeng sakay ng motorsiklo sa harap mismo ng kanyang bahay sa Calabash Road Sampaloc Maynila.
Naitakbo pa ng kanyang maybahay sa United Doctors Medical Hospital si PO2 Joselito Imperial subalit binawian rin ito ng buhay.
Limang tama ng bala mula sa kalibre kwarenta’y singkong baril ang ikinasawi ni Imperial, dalawa rito ay tumama, malapit sa kanyang puso.
Napag-alamang nagbabasa ng diyaryo sa harap ng pinto ng kanyang bahay si Imperial nang dumating ang mga suspek at paulanan siya ng bala.
Dating pulis-Maynila si Imperial at napag-alamang kalilipat lamang nito sa PNP-National Capital Region Police Office o NCRPO.
(Ulat ni Aya Yupangco)
