Patay ang isang pulis matapos mabundol ng kotse sa harap ng Camp Crame kaninang ala sais ng umaga.
Kinilala ito na si PO3 Nasrudin L. Banto na nakatalaga sa Police Security and Protection Group sa Camp Crame.
Ayon kay QCPD director Guillermo Eleazar, nakasakay ng motor si Banto nang mabundol ng kasunod nitong kotse.
Sa lakas ng pagkakabangga, tumama si Banto sa windshield ng sasakyan ng suspek
Agad itong isinugod sa PNP General Hospital pero ideneklara ring dead on arrival.
Nasa kustodiya na ngayon ng pulisya ang nakabundol sa pulis na kinilalang si Jacquiline Yu na posibleng maharap sa kasong reckless imprudence resulting to homicide.
