Nagkasa na ng hot pursuit operations ang Police Regional Office 10 laban sa isang gun running suspect na nakabaril sa isang pulis sa Cagayan De Oro City.
Kinilala ni Police Regional Office 10 Spokesperson P/Ltc. Mardy Hortillosa ii ang suspek na si Mars Sido Gomal na miyembro ng Batang Mindanao 29 na sangkot sa gun running, gun for hire at illegal drug activities sa lugar.
Ayon kay Hortillosa, nagsagawa ng drug buy bust operations grupo ni P/Ssgt. Renato Pastillero laban kay gomal subalit nakatunog ito na pulis pala ang kaniyang mga katransaksyon kaya’t duon na sumiklab ang bakbaka.
Nagtamo ng tama ng bala ng baril sa iba’t ibang bahagi ng katawan si pastillero habang tumakas naman ang suspek na si Gomal.
Nagawa pang itakbo sa ospital ang sugatang pulis at kasalukuyang nasa kritikal namang kundisyon.
