Muling binalaan ng Department of Education ang publiko laban sa mga nagsosolicit ng pera o donasyon.
Ito’y bunsod ng ulat na ginagamit ng ilang sindikato ang pangalan ng isa sa mga tanggapan ng DepEd upang makapangalap ng pera.
Iginiit ni DepEd Office of the Undersecretary for Finance Annalyn Sevilla na walang sinuman o grupong otorisadong mag-solicit ng pera o donasyon gamit ang pangalan ng kanilang tanggapan.
Inabisuhan naman ni Sevilla ang publiko na maging mapanuri at mag-ingat sa pakikipag-usap sa mga tao o grupong nanghihingi ng donasyon.
