Tumaas pa ng 6 na puntos ang public satisfaction rating sa administrasyong Aquino.
Base ito sa survey ng Social Weather Station (SWS) na isinagawa mula September 2 hanggang 5 sa may 1,200 respondents.
Batay sa survey, 59 na porsyento ang nagpahayag na kuntento sila sa pamamahala ng administrasyong Aquino samantalang 22 percent lamang ang hindi kuntento.
Mayroon ring 18 porsyentong undecided kaya’t lumalabas na positive 37 percent ang net satisfaction rating ng Aquino administration.
Mas mataas ito ng 6 na porsyento sa positive 31 percent sa second quarter ng 2015 at pinakamataas mula noong June 2014.
By Len Aguirre
