Protesta ihahain vs. China kung totoo ang bagong harassing incident

Tiniyak ni Department of National Defense (DND) Secretary Delfin Lorenzana na maghahain ng protesta sa pamamagitan ng Department of Foreign Affairs (DFA) ang Pilipinas sa United Nations (UN) laban sa China.

Ito ay aniya, oras na mapatunayan ang ulat na hinarass ng Chinese Coast Guard ang mga Pilipinong mangingisda sa Bataan na pumalaot sa Union Reef o Pagkakaisa Bank sa West Philippine Sea.

Una nang sinabi ni Lorenzana na dapat lang maghain ng protesta ng Pilipinas kapag may mga katulad na insidente upang ipakitang pumapalag ang bansa.

Kaugnay nito, hinikayat naman ni Armed Forces of the Philippines Chief of Staff General Eduardo Año ang mga mangingisda na agad ipaalam sa mga awtoridad kung sakaling sila’y makaranas ng katulad na pangha-harass.

Visits Pag-asa Island

Iinspeksyunin ni Defense Secretary Delfin Lorenzana ang Pag-asa Island ngayong Biyernes.

Tumulak na patungong Pag-asa Island si Lorenzana kasama ang ilang military officials, sa harap ng plano ng gobyerno na i-repair ang mga pasilidad doon.

Ayon sa kalihim, naglaan na ang pamahalaan ng pondo para sa pagpapakumpuni ng runway at improvement ng sewage system.

Ito ang kauna-unahang pagbisita ni Lorenzana sa Pag-asa Island bilang pinuno ng Department of National Defense (DND).

By Krista de Dios | Meann Tanbio | with report from Jonathan Andal (Patrol 31) 

Comments

comments